Bego Oleaga Erdoiza
Biografia
Gerraoste beteko Durangon jaio zen Bego. Aita frankisten kontra miliziano aritua eta ama EAJri lotutako familiakoa zituen. Etxean askatasun giroan hezi bazen ere, errejimenaren eta erlijioaren oinpean bizi zen herri batean hazi zen. Gazterik ekin zion diktaduraren kontrako borrokari, Herri Gaztedin zein ETAren Langile Frentean.
Lan klandestinoaren ondorioz hainbat bizileku eta beharleku izan zituen, harik eta bere bikote Imanol Olabarriarekin Gasteizen kokatu zen arte 1975ean. Gasteizen 1976an izan ziren grebetan zuzenean parte hartu zuen eta martxoaren 3ko gertakarien lekuko zuzena izan zen.