Garbiñe Treku Urizar

Biografia

Garbiñe Durangon jaio zen. Aita Larrauldarra (Gipuzkoa) eta ama Aramaioarra (Araba) zituen eta, urtebete baino ez zuela, Bilbora aldatu ziren aitari institutu bateko atezain izateko lana eskaini ziotelako. Zortzi nebarreba ziren etxean.

Garbiñek gogoan du 1934ko urriko iraultzaren garaian guardia zibilak aita atxilotu eta bortizki jipoitu zutela. Geroago, 1936ko altxamendu faxistaren ondoren, Garbiñe Bilbotik Abadiñora bidali zuten izeko baten Uribarren baserrira. Bertan zegoela Durango bonbardatuko zuten hegazkinak ikusi zituen igarotzen.

Habana itsasuntzian Inglaterrara joan ziren umeetakoa izan zen. Ahizta bat eta neba bat joan ziren berarekin. Akordu ona gorde du Inglaterrako garaiaz, ez ordea itzuleraz. Eurek Inglaterran zeuden bitartean aita, ama eta ahizta bat izan zituen kartzelan. Itzuli zenerako etxea kendua zieten eta hutsetik hasi behar izan zuten gerraoste gordin eta bortitzean.

Pasarteak

TITULUA	IRAUPENA
Gurasoak nor zituen eta zelan heldu ziren Bilbora	2:21min
Gurasoek apenas zekiten gazteleraz eta berak euskara ikasi ez	1:28min
Umezaro zoriontsua gerra hasi arte	1:27min
1934ko urriko iraultzan aita bortizki atxilotu	4:24min
Gerra hasi zeneko akorduak	2:25min
Bilbon bonbardaketak hasi eta Garbiñe Abadiñora	1:50min
Abadiñon dagoela Durangoko bonbardaketa	2:43min
Abadiñotik Bilbora eta handik Inglaterrara	3:38min
Inglaterran oso ondo hartu zituzten	4:03min
Inglaterratik itzulera oso gogorra izan zen	8:14min
Aitak urtebete pasa Larrinagako kartzelan	2:29min
Ama eta ahizta Orue txaletean preso	4:01min
Bilbon gosea eta eskasia gerraostean	5:18min
Gerraostean Garbiñe izena Purificación bihurtu	1:49min
Estraperloa eta eskasia gutxienez 1950 arte	4:11min
Gerraosteko isiltasuna eta errepresioa	3:14min
Aitaginarreba (Ernesto Lorente Jauregibeitia), lanetik bota EAJkoa zelako	2:29min
Senarraren anaia (Ernesto Lorente Fernandez) gerraontzi batek hondoratuta hil	0:50min
Hausnarketa: gerrak ukatutako aukerak eta euskararen galera	2:26min