Joxe eta Pedro Agirre Urizar

Biografia

Joxe eta Pedro Durangoko Saizabal baserrian jaio ziren. Joxe anaia nagusia da eta oso gogoan dauka zelakoa zen baserriko bizimodua II Errepublika garaian eta aurretik. Orduko Izurtzako eskolan egin zituen lehen ikasketak. Gero, gerra heldu zenean, aitarekin eta baserriko abere gehienekin Karrantza aldera joan behar izan zuen, neba-arrebak, tartean Pedro jaio berria, eta ama Saizabalen utzita.