Memoria historikoa

Maite Agirre Lazkano

Biografia

Maite Agirre Lazkano Gipuzkoatik Durangora etorritako familia ugari batean jaio zen. Zortzi neba-arrebatan laugarrena bera, Durangoko El Portico drogeriako mostradorearen bestaldean ezagutu dute durangar askok. El Portico drogeria aita Victorio Agirrek eta ama Maria Lazkanok zabaldu zuten 1941an. Gurasoak abertzaleak zituen biak. Aita Arrasateko Batzokiko presidentea izan zen altxamendu faxista eman zenean eta ezkutuan egon zen pare bat urtez.

Maitek berak umetatik ezagutu zuen diktaduraren presioa. Gaztaroan ageriko eta ez hain ageriko taldeetan aritu zen, izan herrigintzan zein diktaduraren aurkako burrukan. 1969an atxilotu eta Basauriko kartzela ezagutu zuen Indautxuko komisariatik pasa ostean. 1974an berriro atxilotuko zuten nebarekin batera eta Bilboko guardia zibilen La Salveko koartelera eroan.

Pasarteak

TITULUA IRAUPENA
Gurasoen familiez eta zelan ezagutu zuten haiek elkar 3:13min
Gerra hasi zenean aita Arrasateko Batzokiko presidentea zen 3:12min
Aita Ordizian ezkutatu eta ama Ikaztegietara itzuli
1941eko urtarrilean El Pórtico drogeria zabaldu zuten Durangon 1:51min
Lorea ahiztari izena aldatu San Franciscoko eskoletan: Maria Flor 1:39min
Etxean euskaraz 1:43min
Durangon oso giro erdalduna familia batzuk salbu 1:37min
San Francisko eskolan "JAA" talde euskaltzalea sortu zuten 2:42min
Etxean politika presente. Aberri Egunak eta Agirre Lehendakariaren heriotza 2:42min
Aitaren lagun zirkulua EAJko jendea 1:13min
Bizkaiko gobernadorea Durangotik pasatzen zenean eta bestelako ospakizun faxistak 2:44min
15 urtera arte San Franciscon eta gero Drogeriara lanera 2:11min
Acción Católican, Casa Socialaren historia, Herri Gaztedi… 6:45min
Eskaut taldea sortu: nor ziren, zer egiten zuten… 7:23min
Herri Gaztedirekin harremanak Iurrtetako abadetxean eta "Gizarte Eskolak" 4:37min
Lehenengo Aberri Egunak: Gernika, Bergara, Gasteiz… 0:50min
ETAren sorrera eta lehenengo batzarrak 1:55min
Etxebarrietaren mezagatik atxilotu eta Basauriko kartzelara bi bider 9:55min
Basauriko kartzelan hainbat durangar "Bermeoko multagatik" 3:28min
1974an berriro atxilotu nebarekin batera eta La Salvera 5:45min
Hausnarketa: elizaren pisua Durangon 2:59min