Maria Pilar Arrinda Mondragon

Biografia

1927ko martxoaren 27an jaio zen Maria Pilar, Abadiñoko Muntsaratz auzoan, Kandidona baserrian. 10 nebarreba ziren etxean, eta bera nagusiena; gurasoekin eta aitita-amamekin bizi ziren. Gogoratzen duenez, ondo bizi ziren baserrian, eta eskolara ere joan zen, harik eta altxamendua eta gerra etorri ziren arte. Zeruan hegazkin bonbaketariak ageri zirenetan alarma entzuten zela azaldu du, eta horrelakoetan eurek Muntsaratzeko palazioan babes hartu izan zutela. Frentea atzerantz etortzean, lehenik Trañara joan ziren, beste parteko aitita-amamen etxera, eta gero Gaztelura ere bai, osaba baten etxera. Baina, aitita eta amama Kandidona baserrian geratu ziren, eta apirilaren 26an bonba batek ezustean harrapatu zituen. Baserriko atzekaldeko horma apurtu zuen arren, etxekoak onik atera ziren.

Pasarteak

TITULUA	IRAUPENA
Muntsaratzen zuten bizitzari buruz	0:42min
Abadiñoko eskolan, gerra etorri arte	1:04min
Bonben zarata, eta Muntsaratzeko palazioan babestuta	0:57min
Durangoko bonbardaketa egunean Muntsaratzen egon ziren	0:30min
Amama bendejarekin joaten zen Durangora, baina ez zen egon martxoaren 31n	0:32min
Hipolito Salterain fusilatu zutenekoa	0:46min
Frentea atzerantz etortzean, Trañan eta Gaztelun hartu zuten babes	2:02min
Kandidona baserrian bonba bat jausi zen Gernika erre zuten egunean	2:20min
Aitite eta amama salbatu egin ziren baserrian jausitako bonbatik	0:23min
Hegazkinak Bilbora eta Gernikara bidean	0:43min
Muntsaratzera buelta frentea pasatakoan	0:21min
Frentea pasa zenean, aita harategia zabaltzera behartu zuten	1:32min
Gerraosteko estraperloa, eta arrazionamenduko ogi baltza	0:59min
Gerraostean haragia errekisatzen zieten	0:28min
Jose Mari Anguloren fusilamenduaz	0:24min
Auxilio Socialeko etxeaz duen akordua	0:40min
Eskolan 'Cara al sol', eta gazteleraz ahal zen moduan	1:25min
Durangon joskintza ikasten	0:38min
Senarra mugazaina zenez, herririk herri egin du bizitza	1:06min